Juullip orpia kodimagnylitortikukku orpiup meqqutaasani sivisunerusumik atatiinnarsinnaavai

Peqatigiiffilli Haveselskabet, orpiup meqqutaasani qanoq sivisunerusumik atatiinnarsinnaaneranut tunngasunik arlalinnik siunnersuuteqarpoq. Isumassarsiaasa ilaat tassaavoq orpiup iisartakkanik nipaallisaatitortinneqartarnissaa.

Aallaqqaammut orpimmik sapinngisamik uppitinneqaqqammersumik pissarsisariaqarpoq, taannalu siparnimut imermik imalimmut inissinneqassalluni, Haveselskabimeersoq Jesper Carl Corfitzen oqarpoq.

Taava orpiup kanaartaata naqqa centimeterialunnguanik pilattorlugu ilanngarneqassaaq. Taamalilluni orpiup imermik milluaasinnaanera qulakkeerneqassaaq meqqutaasaminillu katagartitsissanani.

Taava aamma imeq iisartakkanik niaqorlunnermut akiuussutissanik imermut arrortinneqartartunik akullugu iluaqutaasarpoq, naatsiivilerinermik immikkut ilisimasalik oqarpoq.

- Tamanna ilumoorpoq. Orpiit meqqutaasallit imiannut iisartakkanik arrortinneqartartunik ataatsimik marlunnilluunniit ikisigaanni taava meqqutaasatik sivisunerusumik atatittarpaat. Iiisartakkalli niaqorlunnermut iisartagaassapput, taakkumi akuannut acetylsalicylsyre ilaagami. Nammineerlunga tamanna misilereerpara aamma iluaqutaavoq, Jesper Corfitzen oqarpoq.

Orpik kiassaatinut radiatorinut imaluunniit kissarsuutinut ungasissumut inissillugu aamma iluaqutaasarpoq. Kissartummi juullip orpia sukkanerusumik paneriartortittarpaa.

Ilitsersuutigineqartoq malikkaanni januaarip arfernata tungaanut orpik allanngorpallaarnavianngilaq.