Juullip nipitittagaa ullumi ilisaritinneqarpoq
Juullip qanilliartulernerata ilisarnaataasa ilaat Katuami ualimut malunnartinniarneqarpoq, tassaasoq juullip nipitittagaanik ilisarititsineq.
Allattoq Elisa Isaksen
Eqqumiitsuliortoq Niels Motzfeldt, juullip nipitittagaanik ukiormanna titartaasuuvoq, eqqumiitsuliaminilu nittaalaq nakkariartortoq isumassarsiffigalugu atorsimallugu.
Saqqummersitsinermut atatillugu Juullip nipitittagaata ataatsimiititaliaa nersornaasiivoq. Nersornaaserneqartoq tassaalluni atuakkiortoq Aasiammiu Karl Siegstad. Taassuma kalaallit kulturiannik inooriaasiannillu qasusuilluni ilungersuutiginninnera, nersornaasiinermi tunngavigineqarpoq.
Nersornaat 25.000 koruuninik aningaasartaqarpoq.