Juullip inuanut allagarpassuit
- Decembarip qulingiluaat tassaavoq nassiussiffissaq kingulleq, allakkat ungasissumut soorlu Taiwanimut nunarsuullu illuatungaanut apuutissappata. Kisianni periarfissaqarpugut Danmarkimiit allakkat kingusinnerusukkut akinissaanut, Destination Avannaani inuussutissarsiornermut siunnersorti Nivi Olsen AtuarfikJørgen Brønludimi atuarut ulappunnerat pillugu taama oqarpoq.
Allakkat Nuummit Ilulissanut nassiunneqartut poorsuarni 20-niittut aallaqqaammut katillugit 4000 missaaniissasut naatsorsuutigineqaraluarput, amerlanerujussuusulli maanna paasineqareerpoq.
- Massakkorpiaq allakkat akineqarput, meeqqati 10. klassinit, 9. klassinit, 8. klassinit 5. klassiniillu allakkat suliarineqarneri ingerlapput. Kiseqqissaarnagit kisianni naatsorsukannerlugit massakkut allakkat 8.000 sinnerlugit akineqareerput.
Aamma Juullip inuanut 2009-mi, 2010-mi 2011-milu allakkat ikiortinit, tassaasunit meeqqat atuarfiini marluuni atuartunit akineqarput, Nivi Olsen oqarpoq.
Juullip inuata ikiortai, atuarfinni klassit assigiinngitsut allakkanik akissutinik suliaqartut tamarmik akilerneqarumaartut, Destionation Avannaani inuusutissarsiornermut siunnersortip Nivi Olsenip aamma oqaatigaa.
