Juullip inua pillugu suliniuteqalerput
-Pilersaarutit maanna amerlaqaat, kisiannili isumagineqartoq tassaavoq juullip inua pillugu suliassatut pilersaarutit assigiinngitsut ingerlanneqarnissaat, aammalu taakkua procentimineerannguisa aningaasaateqarfimmut akiliutigineqartarnissaat, oqarpoq.
Aningaasaateqarfik arlalinnut atuuffeqassaaq, ilaatigut juullip inua pillugu suliassatut pilersaarutit, ilaatigullu aningaasat iluaqutissatut siunertanut meeqqanut Kalaallit Nunaanniittunut nunarsuullu ilaaniittunut tunngasunut aallartinneqassapput.
- Soorunami pissusissamisoornerussaaq Kalaallit Nunaat siulliunneqassappat, kisiannili eqqarsaataavoq killeqarfiit pineqassanngitsut, tassa meeqqat meeraqatiminnik ikiuissasut, ima oqartoqarsinnaalluni Kalaallit Nunaanni juullip inua nunarsuarmi meeqqat ilaannik ikiueqataassasoq, aamma tamanna soqutiginaateqassaaq, inunnut ikiunerinnaanngitsumut, kisiannili aamma niuernermik siunertaqartumik. Tamanna Kalaallit Nunaannik avissaartitsissanngilaq, Thomas Rosenkrands oqarpoq.
Iliuusissamut missingersuut siornali pilersaarusiorneqalersoq kingusinaarunneqarpoq.
- Apeqqut akiuminaappoq, tamatumanili sulisussat piffissarlu pineqarput. Maannakkulli tassa periaasissaq pigilerparput, ingerlariaqqinnissamilu tullermi suliassatut pilersaarutit tassaallutik siunissaq ungasinnerusoq eqqarsaatigalugu aningaasaateqarfimmik tapertaasinnaasut, tassalu ingerlariaqqinnissaq, naggasiivoq.
Thomas Rosenkrandsip oqarnera malillugu aningaasateqarfik Namminersorlutik Oqartussanit aningaasaliiffigineqassanngilaq, aamma aallartinissarnermi nalaani.
