Juullip inua nunatsinniiginnassanersoq qularnarpoq

Juullip inua nunatsinnit allamut nuuppa? suli juullip inoqarpa? Tamanna suli qularnaassivinneqanngilaq. Juullip inuata allakkerivia Nuummiittoq Nuuk Tourismep ingerlataa akiliisinnajunnaarluni matuvoq. Ulluinnarni aqutsiup Jon Krogip suliffeqarfiup matunera uggorivaa, Nunatta avammut nittarsaanneqarneranut iluaqutaaqisoq annaneqassammat.
oktobarip 26-at 2011 16:58

Naamik, Juullip inua toqunngilaq, Nuummili allakkeriveqarneq imminut akilersinnaanngitsoq, juullip inuata nassuerutigisariaqarpaa, ulluinnarni aqutsisoq Jon Krog oqarpoq.

(Nunarsuarmi tamarmi meeqqat juullip inuanut allagaasa kikkunnit akineqarneqarnissaa ilisimaneqanngilaq.)

Siulersuisuni siulittaasoq Otto Strømman aamma neriuppoq, juullip inua suli ilisaassanngitsoq, ilimaginngilaali kialuunniit uumatiinnarsinnaagaa:

- Ukiorpassuarni suliaamasut akiliisinnaajunnaarluni nalunaaruteqartarfimmut inissittussanngorput. Taava  pigisanik nalilinnik nakkutiginnittoq aqutsisussanngorpoq, tamannalu qanoq sivisutigissanerpoq. Suliarlu taanna inaarneqarpat, juullip inuata toqusimanissa annilaanngatigaara, Otto Strømman oqarpoq.

Taannalu isumaqarpoq, meerarpassuit nunarsuarmit tamaneersut juullip inuanut allagarisartagaat akineqartarunnaarpata, tamanna kalaallit nunaata nittarsaarneqarneranut  annertuumik kinguneqasassoq.

Maannalu tassa ulluinnarni aqutsisoq Jon Krog naapertorlugu nalunartoq tassaavoq, meeqqat allagarpassuit qanoq pineqassanersut:

Juullip inuanut allatoqartarnera kalaallit nunaata nittarsaanneqarneranut iluaquttaalluarsinnaavoq,
nalileruiminaatsorli tassaavoq, meeqqat New Zealandimit, Argentinamit, Ukrainemit, Canadamit USA-millu juullip inuanut allagaat 350000-it kalaallit nunaannut qanoq iluaqutaasinnaaneri, Jon Krog oqarpoq.

Juullip inuanit allagasieq kalaallit nunaata nittaarsaanneqarneranut qanoq iluaqutaatigisoq taasumatassa nalileruminaatsippaa.
- Kisianni takorloorneqarsinnaavoq angerlarsimaffippassuarni  orpiup kaavinneqarnerani juullip inuanit Kalallit Nunaaningaanersumit  allaqarsineq nuannaarutigineqarluni tupaallaatigineqarnera, nunatsinnullu nittarsaatitut atorneqarluni, Jon Krog oqarpoq.

- Juullip inuanut allakkat nassiunnerat ataaseq ti kroneqarpoq, tassalu tamakkeraanni 400.000 krnik naleqarsinnaapput, taakkualu suliffeqarfiit iluanaaruteqarniarlutik ingerlatsisut kivisinnaanngilaat, Jon Krog oqarpoq.
Juullip inuata allakkerivia Københavnemi qungussutarianngup takornarianut iluaqutaanera Jon Krogip assersuutitup atorpaa.
 - Takorlooriartigu qungussutariannguup inissisimaffiatalu eqqaata aserfallatsaalineqarnerinut pisortanit aningaasaliissutigineqartartut unitsinneqarpata, qungussutariannguarlu akitsorterussinikkut tuniniarneqarneqarlu, Jon Krog oqarpoq.

Juullip inuata allakkeriviata ingerlaannarnissaanik  siulersuisut arlalinnik iliuuseqarsimasut Otto Strømman oqarpoq.  
ilaatigut nittartagaliornissaq eqqarsaataasimagaluarpoq, taannali akissaqartinneqanngimmat piviusunngorsinnaasimanani.

Direktøriusimasup  Therese Kreutzmannip erseqqisarlugu oqaatigaa juullip inuanut 2009-mi  2010-milu allakkat tamarmik akineqarsimasut.

- Kommuuni aamma illoqarfimmi pisinnaasut tamarmik ikiortigalugit, allakkat akineqartut oqaatsit assigiingitsut arfinillit atorlugit allataapput.

Juullip inuata allakkeriviani pigisat nalillit suneqassanersut suli qulakkeerneqanngillat.
Juullip inuata ajaappiaa qilalukkap tuugaavanik sanaaq aamma juullip atatillugu nipitittakkat, Svend Jungip katersorsimasai, akitsorterussinikkut tuniniarneqarnerannik kinguneqarsinnaavoq.

 

Juullip inuata allakkeriviani pigisat nalillit suneqassanersut suli qulakkeerneqanngillat.
Juullip inuata ajaappiaa qilalukkap tuugaavanik sanaaq, aamma juullip atatillugu nipitittakkat, Svend Jungip katersorsimasai, akitsorterussinikkut tuniniarneqarnerannik kinguneqarsinnaavoq.

Juullip inuata allakkeriviata matuneqarneranut atatillugu attavigineqarsimanani, taamaattumillu qanoq iliuuseqarsinnaanani, Takornariaqarneq pillugu Naalakkersuisoq, Ove Karl Berthelsen, ulllumi nalunaarpoq.
Kisianni pisortatigoortumik attavigineqaruni qanoq iliuuseqarsinnaanerluni misissuiniarluni neriorsuivoq