Juullip inua avannarpartissaaq
Qaasuitsup Kommuniani takornariaqarnerup ineriartortinneqarnera pillugu piginneqatigiiffiup, Destination Avannaata Juullip inuata nittarsaannera Nuuk Tourismimik ingerlanneqarsimasoq 150.000 koruuninik naleqartoq, isumagilissavaa.
- Suliassat annertuut siulliit tassaassapput, allakkat tusintilippassuit juullip inuanut nassiunneqarsimasut allakkatigut akissuteqarfigiortornissaat. Siunissami ungasinnerusumi www.santa.gl juullip inuata nittartagarissavaa Kalaallillu Nunaanni juullip inuanut isertarfiussalluni, Destination Avannaani pisortaanerugallartoq Konrad Seblon oqarpoq.
Aammartakkap ”Nissebanden i Grønland”-ip Danmarkip Radioni ukiormanna aallakaateqqinneqartussanngornera Knud Seblonip nuannaarutigaa:
- Tamanna periarfissaq siumut ingerlaqqiffissatut tapersersortinneqarnissatsinnik pisariaqartitsinitsinni – taavalu suliap matussusernissaanut atorsinnaavarput, Destination Avannaani piosrtaanerugallartoq oqarpoq
Allakkat amerlaqisut Ilulissanut apuunneqarnissaat Air Greenlandip isumagisimavaa, taamaasillutik juulli nallertinnagu akineqarsinnaalissallutik.