Juullip ammartagaa ullumi aallartissaaq

Ullumi decemberip aallaqqaataani KNR-TV-kkut meeqqat ammartagaat ateqartoq ”Meeqqat 24-ermiut” unnummut nalunaaqutaq arfinernut tanneq qulingiluat aallartissaaq.

Ammartakkap suliarineqarnerata naammassinera nalliussiniarlugu ippassaani aaqqissuisut meerarpassuillu qilanaaqalutik ilasseqatigiinnerminni imminnut isiginnaarput.

Ammartakkap oqaluttuassartaa Gudrun Kristensenimit suliarineqarpoq, taanna aperaarput, taama ittumik sooq allakkusussimanersoq.

- Sermitsiami AG-milu takuara ammartagaliornissamut oqaluttualiortussamik pissarsiortoqartoq, taava siunnersuutinik marlunnik nassitsivunga. Aappaa atserpara; qanga nunasiaataanerup nalaani juulli taannalu 50-kkunni pisimasuutillugu, aappaalu ullutsinni pisimasuutitatut allappara atserlugu; ”Meeqqat blok 24-ermiut”

Gudrun Kristensen erseqqissaavoq, nammineq misigerusussinnaasani oqaluttuarisimagini.

Ammartakkap oqaluttuassartaa Gudrun Kristensenimit suliarineqarpoq, Laila Hansenimillu TV-kkut isiginnaagassartaa ilitsersuisuuffigineqarluni.