Juullimut poortukkat nassiutiaakkit
Poortukkat Danmarkimut umiarsuakkut nassiussassat qaammatip matuma ingerlanerani nassiunneqartussaapput Danmarkimut juullertinnagu anngutissappata.
Timmisartukkoorluguli nassiussiniaraanni suli periarfissaqarpoq.
Kitaani illoqarfinnit timmisartukkoorlugu nassiussiniaraanni kingusinnerpaamik decembarip ulluisa qulinganni tamana pissaaq, Tunumiit siusinnerusulaartukkut nassiussisoqassalluni. Allakkanik ullut nassitsiffissat kingulliit illoqarfimmiit illoqarfimmut assigiinngillat, ulluilu takuniaraanni post.gl-imut iserluni tamanna paasiniarneqarsinnaavoq.
Allakkanik Danmarkimiit Nunatsinnut nassiussiniaraanni decembarip 14-iata missaanni tamanna pissaaq. Danmarkimiit ullut nassitsiffissat kingulliit paasiniarniaraanni Postdanmarkip nittartagaani post.dk-mi paasiniaasoqarsinnaavoq.