Juullimut nipitittagaq Qaanaami Illoqqortoormiunilu ukioq manna aamma pisiarineqarsinnaassaaq
Oktobarip qaammatigigaluaraa, tassa juulleriartulerpoq-aasiit – nunaqarfimmiullu juullimut tunngasumik maannangaaq nuannaarutissaqalereerput:
oktobarip 16-at 2007 15:47
Juullip Nipitittagaata aningaasaateqarfiata KNI Pilersuisoq isumaqatigiissuteqarfigaa Juullip Nipitittagaa nunaqarfinni, Qaanaami Illoqqortoormiunilu Pilersuisup pisiniarfiini ukioq manna pisiarineqarsinnaalissasoq.
Juullip Nipitittagaata nunaqarfinni tuniniarnissaa siornatigut Tele Post Greenlandimit isumagineqartaraluarpoq, isumaqatigiissulli taanna 2006-imi atorunnaarmat Juullip Nipitittagaa nunaqarfinni pisiarineqarsinnaajunnaaraluarpoq.
Kalaallit Nunaannili inuit tamarmik Juullip nipitittagaa ukioq manna tassa pisiarisinnaalissavaat.
Ukioq manna Juullip Nipitittagaa oktobarip ulluisa 30-ani Nuummi saqqummersinneqassaaq, kulturimillu sulialik, imaluunniit suliallit arlallit, pisarnertut nersornaaserneqassallutik.
