Juullimut kalaallit inuulluaqqusineq iluatsilluarpoq

Pisarnertut Kalaallit Nunaannut juullimi inuulluaqqusineq Vejlemiit 4. december ingerlanneqartoq, Danmarkimi peqatigiiffiit kattuffiannit INUIT-mit aaqqissuuneqartoq, iluatsilluartutut nalilerneqarpoq, inuimmi 1500-t peqataapput.
decembarip 08-at 2010 07:13

Sila pitsaanngikkaluartoq inuit 1500-it missanni peqataasimasut INUIT-mi siulittaasoq, Bitha Metelmann oqarpoq.

-Isumaqarpugut nuannerluinnaqqinnaartumingaasiit ingerlanneqartoq, naak sila ulloq taanna iluarpianngikkaluartoq. Aggikaasimasut tamarmik nuannaarlutik juullimik malugisimasaqarput, Bitha Metelmann oqarpoq.

Ilaqutariit meerartallit inuppassuillu allat tamarmik assigiimmik ulloq nuannersumik eqqissisimasumillu atorsimagaat Bitha Metelmann oqarpoq.

- Ulloq taanna inuit nuannisaaqqinnaarlutik atorpaat aamma unnukkut nuannisartorujussuupput, inuusuttut nipilersortorigatsigit assorsuaq qiimatitsillutik.

Illorsuup inuulluaqqusinermut atorneqartartup attartornera 60.000 koruninik akeqarpoq, sulili takuneqarsinnaanngilaq aaqqissuussineq anngaasatigut iluanaarutaasimanersoq.

- Aningaasartuutigut suli nalilersinnaanngikkallarpagut, tassa regningit kingulliullutik takkuttaramik. Unnuup aaqqissuunnera aningaasanngorlugu 100.000 koruunit sinnerlugit naleqartarput.

Peqatigiiffiit kattuffiat INUIT Namminersorlutik Oqartussaniit ukiumut 250.000 koruuninik tapiiffigineqartarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq