Nunatta Isiginnaartitsisarfia Juullimut isiginnaartitsissut avannaanut takutikkiartorneqalersoq
Juullimut isiginnaartitsissut taaguuteqartoq "Juulimaaq - Nannullu Anersaava" avannaani novembarip naaneranit juullernissaata tungaanut isiginnaartitsissutigineqassaaq.
Taamaalillutik meeqqat allallu soqutiginnittut qilanaarutissaqalerput. Isiginnaartitsisut Kangaatsiami siullermik takutinneqareerpat, Qeqertarsuarmi Qasigiannguani Qaanaami, Upernavimmi Uummannamilu isiginnaartitsissutigineqassaaq.
Ullut isiginnaartitsiffissat:
NUUK: pingasunngornermi 21. nov. 16.30
KANGAATSIAQ: pingasunngorneq 28. nov. 18.30
QEQERTARSUAQ : arfininngorneq 1. dec. 16.00 QASIGIANNGUIT : ataasinngorneq 3. dec.18.30
QAANAAQ : sapaat 9. dec. 16.00
UPERNAVIK: sisamanngorneq 14. dec. 19.00
UUMMANNAQ: marlunngorneq 18. dec.18.30
Isiginnaagassiaq "Juulimaaq - Nannullu Anersaava" qanga kalaallit oqaluttuatoqaat ilitsoqqussaallu tunaartaralugit suliaavoq. Europamiut nunatsinnut sunniuteqanngikkallarmata 1400-jukkut missaanni pisuusaartitaalluni. Danskip atuakkiortup Bent Hallerip atuakkiaa "Historien om Julemanden" aallaavigineqarpoq.
Isiginnaartitsissut Nuummi siorna takutinneqareermat kujataani illoqarqarfiit assigiinngitsut tikinneqarput.
Isiginnaartitsissut Nuummi novembarip ulluisa 21-anni takutinneqareerpat, avannaani illoqarfinni assigiinngitsuni takutinneqassaaq.
Juullimut isiginnaartitsissutip nunatsinni sumiiffinni ukioq manna isiginnaartitsissuteqarneratigut nunarput tamakkingajallugu isiginnaartitsissutigineqassasoq, isiginnaartitsisarfiup pisortaa, Susanne Andreasen allappoq. Isiginnaartitsissullu Nunatta Isiginnaartitsisarfiata nunatsinni, Danmarkimi, Savalimmiuni Islandimilu illoqarfinni 16-ini katillugit 61-eriarluni isiginnaartitsissutigineqareersoq naammassissasoq oqaatigalugu.
