Juullimut inuulluaqqussut ukiunik 75-inngortorsiussaaq

Danmarks Radiop Kalaallit Nunannut juullimut inuulluaqqussutaa sisamanngorpat decembarip ulluisa 20-anni aallakaatinneqalerpat, aallakaatitassiaq ukiunik 75-inngortorsiussaaq.
Allattoq Mads Lynge
decembarip 17-at 2007 12:25

Ukioq 1932 juullimut inuulluaqqussut siullerpaamik radiokkut aallakaatinneqarpoq. Tamatuminnga isumassarsisuuvoq inuussutissarsiutitigut aqutsisoq Andreas Lund-Drosvad.

Ukioq 1932 Upernaviup nunaqarfiisa ilaanni Kangersuatsiami Andreas Lund-Drosvad, Danmarkimi Statsradiofoniimut allagaqarpoq, radioaqarfik angajoqqaat ilaquttallu Danmarkimiittut akeqanngitsumik Kalaallit Nunaannut inuulluaqqusisinnaannginnersut. Taamanili ukiut tamaasa Danmarks Radio Kalaallit Nunaannut juullimut inuulluaqqussummik aallakaatitsisalerpoq, sisamanngorpallu unnukkut arfineq-pingasunut KNR TV-kkut aallakaatinneqarpat, aallakaatitami aqutsisuussapput erinarsortartoq nunatsinni ilisarisimaneqarluartoq Kimmernaq aamma Danmarks Radiop TV-ani aallakaatitassiortoq Peter Kjær.

Erinarsortartut allat ilisarisimaneqarluartut Julie Berthelsen Nina Kreutzmannilu erinarsorniarput, nipilersortartut TV2 aama The Benefits tusarnaartitsissapput, erinarsoqatigiillu Aavaat erinarsussallutik, Danmarks Radiop nittartartakkamini taamatut allaaserisaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq