Juullikkunni silagissiussaagut

Nunatsinni Danmarkimilu juullikkunni apisimassaaq. DMI-p missingiutaa naapertorlugu sumiiffiit ilaanni aamma issittukasiussaaq.
Allattoq Noah Mølgaard, Simon Uldum
decembarip 20-at 2012 04:50

Juullikkunni angallanneq Nunatta kitaani ulluni qaninnerni pitsaasunik atugassaqarfiussaaq. Apimanerani taamaaginnartussaarpasippoq apisimasumillu juullisiornissarput qulakkiissagunarlugu.

Juullip ulluini silap qanoq innissaanik DMI-p missingiutaa naapertorlugu Kujataanit Qaanaaq angullugu sila unerisimanissaa neriorsuutigineqarpoq. Qaqortup silaata kiaa qerilerfiup minus 5-illu akornanniissaaq, Nuummi juulliaqqap juullerujuullu akornanni unnuakkut nillingaatsiassaaq.  Minus 15-it ataallugit ississangatinneqarpoq.

Sisimiuni juulliaqqami juullerujummilu aamma issittukasiussaaq, juullerujummi minus 15 ataatissallugit.

Qaanaami sapaatip akunnerata naanerani aamma nillingaatsiassaaq minus 30-it ataallugit ississalluni, juullilli ulluini minus '20-iinnarnut' qaffalaassaaq.

DMI-p missingiutaa naapertorlugu Danmarkip ilarujussua aamma juullikkuni apisimassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq