Juullikkunni kiserliortut amerlasarput
Taassuma kiserliorneq qanoq qaangerneqarsinnaanersoq ima siunnersuuteqarfigaa:
1. Qanoq misigisimanerlutit oqaatigiuk
Imminut ajoquteqartutut eqqarsaateqarnerup oqaatiginissaa kanngusuutigigukku qanoq misigisimanersutit inuit nalussavaat. Tamannalu inunnik nigorternermik kinguneqartarpoq. Misikkarissuunerput takutikkaangatsigu inunnut allanut tatiginartumik ataqatigiilersarpugut, tamannalu imminut iluarisimaanermik kinguneqartarpoq.
2. Piukkoorpallaarnaveersaartarit
Pilersaarutivit "iliuuserisariaqakkatut" takorluukkanniit minnerunissaat annilaanngatigigukku, taava pilersaarutivit iluatsinngitsoornissaa qaninnerussaaq pakatsisinnissarlu qaninnerujussuussalluni. Pissutsit qanoq ikkaluarpataluunniit nuannaarnissaq pingaarnerpaavoq.
3. Illit allanut sanilliukkunnaarit
Inunnut allanut sanilliuttuaannarpugut, soorlu isikkukkut, ilinniakkatigut, suliffikkut, isertitatigut allatigullu. Kisianni tamatta assigiinngitsuuvugut, illillu kisivit illiuvutit. Allanut sanilliunneq pakatsinermik kinguneqaannartarpoq, allammi assigisinnaangilatit. Imminut pingaartinneq, naleqartitallu sammigaanni pitsaaneruvoq.
4. Qujamasunneq sungiusaruk
Misissuinerit takutippaat piginngisat eqqarsaatigiunnaarlugit pigisat eqqarsaatigileraanni inuunermut naleqartitsineq allanngortartoq, nuannaarnerulernermillu inerneqartarluni. Taamaammat pigisatit eqqumaffiginerulikkit, sunalu qujamasuutigissanerlugu isiginiarnerulerlugu.
5. Misigissutitit akuerikkit
Kukkusaenigut iliuutsittalu pitsaanerussinnnaagaluarneri pillugit tamatta uatsinnut assuarillaqqissuuvugut, imminullu ajortumik isigineq iluaqutissaqanngilaq. Imminut kammaginerpaagit, inunnut allanut pissuserisartakkat imminut aamma pissuseriuk, ilaatigullu kukkusaraluaruit ajunngilaq, akueriinnaruk. Illit inuttulli allatut naleqartigaatit, kisimiittariaqanngilatillu.
Falckimi tarnip pissusaanik ilisimasallit pisortaat Annette Gaard Ritzauimit taama allaaserineqarpoq.
Paarnaq Hansenilu taama paasissutissiivoq.