Juulli eqqissisimanartoq
Ukioq manna juullimi politiit sumi tamaani eqqissiviilliornerit eqqaassanngikkaanni anginerusumik ulapitinneqanngillat.
Allattoq Mikkel Bjarnø Lund
Kalaallit Nunaanni juulli eqqissisisimasumik ukioq manna atorneqarpoq. Politiit oqarput sumi tamaani eqqissiviilliutsiarnerit eqqaassanngikkaanni sumiiffinni amerlanerpaani inuit eqqissillutik juullisiortut. Qaanaami taamaallaat illu nungulluni ikuallappoq, Nuummilu Blok P-mi inissiat arlaanni saagut ippassaq jullerujussuarmi ikuallaleraluarput inuttaatali nammineq qamissinnaasimagai politiit oqarput. Nuummi politiit biilinik aallarusseriaraluarneq ataaseq immikkut oqaatigisarialittut taamaallaat taavaat. Susoqanngilarli aallarusseriaraluartoq biilip piginnittaanit qaninngarneqarluni tigusarineqarmat.