Juullerujussuarmi persuttaasoq eqqartuunneqarpoq
Aasianni eqqartuussiviup angut 40-nik ukiulik, nuliaminut juulliaqqami persuttaasoq, qaammatini sisamani pineqaatissinneqarsimasut inissiisarfianniittussanngorlugu eqqartuuppaa.
januaarip 21-at 2011 09:33
Angut nuliaminut persuttaareersoq Aasianni politiinit juulliaqqami unnuap qeqqaliivissoq tigusarineqarpoq.
Angutip nuliaminut 36-nik ukiulimmut annersaanermini nuliani issiviammik niaqutigut anaasimavaa 10 centimeterisut takigisumik niaquata tunuatigut kilerlugu.
Persuttaasoq, politiinit nuliaminut siusinnerusukkut persuttaasimasut suliassaqarfigineqareersoq, juullerujummi eqqartuussivimmut sassartinneqarami ulluni 28-ni tigummigallagassanngortinneqarpoq. Maannalu tassa nuliaminut marloriarluni persuttaasimasut eqqartuunneqarpoq, qaammatini sisamani pinerluuteqarsimasut inissiisarfianiittussanngorlugu.
Aasianni politiit ilisimatitsissutigaat, angutip eqqartuunneqarnini akuerisimagaa.
