Juullerpalaartitsinissanut atugassanik aningaasaliisoqarpoq
Inuunerittap aningaasaateqarfia juullernissamut aningaasanik agguaassivoq. Peqqissutsimut Avatangiisinullu Naalkakersuisoq Arkalo Abelsen agguaassisuuvoq
Suliniaqatigiiffiit, suliffeqarfiit namminnerlu kajumissutsiminnik suliaqartut katillutik 52-it aningaasanik tapiiffgineqarput.
Aningaasat katillutik 223.800 koruunit aaqqissuussinernut assigiinngitsunut atorneqartussat agguaanneqarput.
Meeqqat inuusuttullu Narsamiittut peqqinnartumik juullerpalaartinneqarnissaannut, Qasigiannguani innuttaasut juullerpaluttunik qiortaasinneqarnissaannut, Saqqami juullerpaluttumik qiortaanissamut qalunermut uutaliullaqqinneqqusaannissamut atorneqartussat tunniunneqarput, kiisalu Nuummi juullip inuata allaffiani mamakujunnik agguagassanik poortuinissamut atorneqartussat Inuunerittap aningasaateqarfianit tunniunneqarput.
Imigassaqartorfiunngtsuni pujortarfiunngitsunilu aaqqissuussinerit Inuunerittap tapersersorpai taamatullu ikinngutit ilaquttallu ataqatigiinnerisa nukittorsarneqarnissaat tapersersorlugu.
