Juullernissaanut anngunniartoqarpoq

Juuliararnissaanut ullut marluinnanngortullu timmissartumut ilaasussat poortukkat allakkallu apuuffissaannut angummanniarnerat ilungusunartorsiorfiuvoq. Isorliunerusuni Upernaviup Tasiilallu nunaqarfiinut ilaasunik angallassiniarneq ulluni qulini kingullermi iluatsitsiffiunngilaq, silarluk taarneralu pissutigalugit timmisartukkut angalaniarneq ajornarmat. Air Greenland-illi timmisartukkut angallasiniarnini Juullertinnagu iluatsinniarsaraa.

Upernavimmi timmisartuussiniarneq iluatsinneq ajulersoq pillugu Air Greenlandimi timmisartunik ingerlaartunik nakkutiliisoq Niels Frederiksen ima oqarpoq:

-Kullorsuarmut annguttussat aqagu aqaguagulu ingerlanniarneqarput.

-Tunumi ingerlanneqartussat aqagu ingerlanniarneqarput.

Poortukkat Qaanaamut Upernavimmut Uummannamut Paamiununullu apuutinngitsoorput silarlummat.

Niels Frederiksen oqarpoq aqagu ataasiarluni paamiunukartitsisoqarumaartoq.

Qaarsunukartuttaaq Ilulissani utaqqipput. Taakku ilungersuullugit aamma apissitsinniarneqassapput. Ukioq manna taamarsuaq utaqqisoqarnera qaqutigoortuusoq Niels Frederiksen oqarpoq.

Sila ajuinnassappat juulliaqqamut allaat angallassiviginiarneqarput.