Juulleriartornerani Juullerpaluttut TVikkut isiginnaagassarpassuit

KNR TV ullut tamaasa juulliaqqap tungaanut, juullerpaluttunik isiginnaagassaqartitsissaaq. Juullip ammartagai sisamat isiginnaarneqarsinnaapput, meeqqanut pingasut inersimasunullu ataaseq isiginnaarneqarsinnaassallutik.

Isiginnaartitissartut Silamiut 1985-imi KNRikkut juullilernerani aallakaatitaa Nissit nunaanni julleriartornera maannakkut juulleriartornerani aallakaatinneqartassaaq.

Danmarks Radiup juulleriartornerani aallakaatitassiaa sangusarissami juulli, TV2-llu aalakaatitassiaa aatsaammi tassa juullip inua KNRikkut aallakaatinneqartassapput.

Unnukkut TV-aviisi qulingiluanut aallakaatinneqarnerata kingorna inersimasunut juullip ammartagaa Yallahrup Færgeby aalakaatinneqartartussaavoq, Danmarkimi inuiaat assigiinngitsut akornanni inuuneq pillugu quujasarusiaallunilu oqallissaarusiaq.