Juulip 24-anni ullo´qeqqanut radioaviisi: Aalisarneq pillugu nutaarsiassaqassaaq
Aalisakkat nutaat nunatta imartaani ukiuni kingullerni takussaalerattuinnartut, nunatsinni aalisartunit aningaasarsiutaalluarsinnaakutsoorput.
Taakkuli imaaliallaannarluni aalisarneqarsinnaanngillat, pisinnaatitaaffeqarluni aatsaat aalisarneqarsinnaammata.
Allattoq Peter Troelsen, Ludvig Siegstad
Taamaattumik nunatsinni aalisakkeriviit biologinik politikerinillu suleqateqartuuppata, aalisakkat pillugit pisinnaatitaaffeqalernissamut nunanut allanut isumaqatiginninniarnissamut nukittunerussagaluarput.
Taama nunatta imartaani ukiuni kingullerni 25-ni raajarniartartoq Jógvan Tróndarson Polar Seafoodillu siulersuisuisa siulittaasuat Henrik Leth isumaqarput.
Tamanna ullo´qeqqanut radioaviisimi tusarsinnaavat…