Juulimaaq nutaaq piitsunut 28 millioni koruuninik tunisivoq
Belgiami angut juulimaajusaartoq naggasiutigissavarput. Angut kinaanerminik oqaatiginneqqusinngitsoq lottornermi qanittukkut 56 millioninik eqquisoq eqqukkami affaanik piitsunut tunissuteqarpoq.
Allattoq Najaaraq Egede
Juulimaap nutaap taama tunisisinnaanini assut nuannaarutigigaa, aviisit allaatigaat.
Angut lottornermi EuroMillionsimi decembarip ulluisa aqqaneq-aappaanni 56 millioni koruunit nalingannik eqquivoq.
Aallaqqaammut ilaqutariinnut piitsunut 100-nut 1.000 literimik ikkummatissarsiutissaannik tunissuteqarpoq, kingornali tassa eqqukkami millionerpassuit aamma affair tunissutigalugit.
Angut eqquisoq tassaanerarneqarpoq inuuguganilu utoqqaanngitsoq marlunnik meeraqartoq. Aterminilli taaseqqusisimanngilaq.
Niuertoq lottomik pisisitsisimasoq oqarpoq, angut taanna aningaasaqarniarnikkut ajornartorsiuteqartartuusimasoq.