Juulimaaq meeqqanut akinissaminut akissaaruttoq

Meeqqat 25.000-it juulimaamut Nuummiittumut kissaatiminnik nassiussaqarsimagaluartut

ukioq manna pissangallutik allakkat nakkartitsiviisigut akissutisinissaminnik ilimasussinnaanngillat.

Naak anaanap ataatallu meeqqamik kissaataat allakkatigut juulimaamut 80 koruuneerlutik nassiutereeraluaraat juulimaaq akinissaminut akissaqanngilaq, Danmarkimi aviisersuaq Jyllands posten allappoq.

Juulimaaq nunatsinni Nuummi angerlarsimaffilik namminersornerullutik oqartussanit Santa Claus of Greenlandimut, qalunermullu uutanut tapiissuteqassaarmat juulimaaq nammineerluni aningaasassarsiortariaqalersimasoq, juulimaap angerlarsimaffiani akissarsiaqaatiginagu namminerli piumassutsini atorlugu sulialik, juulimaamullu ikinngutaalluartoq Anders Læsøe oqarpoq.

Taamaammat ukioq manna juulimaaq kissaatigineqartunut akisinnaanngilaq, kisiannili meeqqat qarasaasiallit periarfissaqarput.

Juulimaap nittartagaanukarsinnaapput uku atorlugit Santa naggat gl. taava kissaatinut allattuiffik iserfigineqarsinnaavoq, e-mailikkullu nassiussiffigalugu. Taava juulimaamiik emailisisinnaasoqassaaq akeqanngitsutsiarsuarmik, Anders Læsøe juulimaamut ikinngutaalluartoq oqarpoq.