Egyptenimi allagatoqqat nassaat kingulliit Biibilimik paasinnittaaserput allanngortippaat. Juudarsimmi evangeliua ukiumi 200-qalernerani allagaq nassaarineqarsimavoq.
Allagatoqarsuit ukiunik 1.700-nik pisoqaassusillit Egyptenimi nassaarineqarput. Misissornerini paasinarsivoq Juudarsip evangeliorigaa.
Jiisusip Juudarsillu ataqatigiinnerannik paasissutissanik nutaanik allassimasoqarpoq; Jiisusimmi Juudarsi qinnuigisimavaa taamani nunamik tiguaasimasunut Ruumamiunut toqunissi ullunik pingasunik sioqqullugu piseqqulluni, taamaalilluni ajoqersugaqatini annaassinnaammagit, Juudarsilu siuttunngorluni.
Allagatoqqat taamani Egyptenimi allaffigineqartartunut naasut ipaasaannit allaffissialianut quppernernut 26-nut allagaapput.
Paasinarsivoq Testamantitaami Matiusip Lukkarsillu evangeliuini allaqqasunit Juudarsi Jiisusip oqariartuutaanik paasinninnerusimasoq.
Allagatoqqat assilineqareerpata asiunaveersarneqareerpatalu Egyptenimut utertinneqassapput. Allagatoqqallu nutserneri, isumaallu salloqittaataanngitsut uppernarsineqarsimavoq.