Jusjtjenko ajorsarpoq

Ukrainemi inatsisartunik qinersinermi præsidenti Viktor Jusjtjenkop partiia ajorsarujussuarpoq. Justjenkop partiia annerpaajusimagaluartoq maanna annerit pingajuattut inissippoq. Kinamita Ukrainemi præsidentinngulerpa?

Jusjtjenkomut unammillertup arnap Julia Timosjenkop partiia qinersisartut sisamararterutaannit taaguunneqarluni partiinut annerpaanut ilannguppoq, allaat præsidentimut unammillertup allap Viktor Janukovitsip partiiatut atsigilerluni. Tamanna pillugu Julia Timosjenkop præsidentinngornissi piumasarissagaa naatsorsuutigineqarpoq.

Isumaqatigiinniarnerit maanna ingerlanneqarput, Jusjtejenkop partiia Timosjenkop partiia socialistillu amerlanerussuteqarlutik naalakkersuisunngortitsinissaat ilimagineqarluni. Ajornarneq Jusjtjenkomut oqitsuinnaajunnanngitsoq oqaatigineqarpoq, Timosenkop partiianik suleqateqarluni naalakkersuisuutitaqarnermi naggataani Timosjenko isumaqatigiunnaavissimammagu. Justjenko isumaqartuarsimavoq Julia Timosjenko imminuinnaq eqqarsaatigaluni innuttaasullu piusaat tunullugit anguniagaqarpallaarsimasoq. Tamanna pillugu Jusjtjenkop Janukovits suleqatigiumanerugaluarpaa politikkikkulli tamanna ajornassasoq, Danmarksradio tusarliussivoq.