Junip qaammataani aput aakkiartupiloortoq
Kalaallit Nunaata kujataata kitaani aput ukiunut siuliinut naleqqiullugu aakkiartupallassimavoq.
Avataarsuani misissuisarfimmi NASA-imi ilisimatuussitsikkut missisuisartut ukiuni kingullerni 20ini misissuisimanerannit tamanna paasineqarpoq.
Aputip taamak sukkatigisumik aakkiartorsimanera ilisimatuunit tupaallaatigineqarpoq. Apriilip maajillu qaammataanni aput annikitsuinnaq aakkiartorsimariarluni, juunip qaammataani aput annertooq aakkiartupiluulersimavoq.
Danmarkimi silap pissusaanik ilisimasaqarfimmi Danmarks Klimacenterimi sulisoq Martin Stendel oqarnera malillugu, kalallit nunaata silaannaata siusinnerusukkut ullumikkut siunissamilu qanoq inneranik DMI-p qanittumi pisuusaartitsineranik paasisat eqquussimapput.
Sisimiut Upernaviullu akornanni ukiuni tulliuttuni 75-ini sila arfineq marlunnik kiannerulernissaa pisuussaartitsinermi naatsersorneqarsimavoq. Tunumi Tasiilap Illoqqortoormiullu akornanni ukiuni tulliuttuni 75ini aqqaneq marlunnik kiannerulernissaa naatsersuinermi paasineqarpoq. Pisuusaatitsinermi paasineqartut ilagaaq, sermersuup sinaa aalluni 400 kilometerinik tiffasinnerusumut killeqalissasoq.
