Julie Nuummi tusarnaartitsinianngikkallarpoq
februaarip 20-at 2005 13:57
Erinarsortartoq Julie Berthelsen Nuummukanngitsuuginnarpoq, radioaviisimilu paasisagut malillugit Julie nipilersoqatinilu kangerlussuarmiiginnarniarput aqagu timmisartumut ilaallutik Danmarkiliaannassagamik.
Julie Berthelsen radioaviisimut ippassaq oqarpoq Danmarkimi pilersaarutaareersunik tusarnaartitseqattaaramik, taakku malittariaqaramikkik.
Nuummi sila ajoqattaarnera pissutigalugu Julie Bethelsen apuutinngitsoorpoq.
