Top 3-miipput: Julie Ninalu Melodi Grand Priximi finalimut ingerlaqqipput
Julie Ninalu ilaquttaminnit allanillu nunatsinneersunit Boxenimi tapersersorneqarput.
Allattoq Christine Hyldal
Nutserisoq Simon Uldum
Julie Berthelsen Nina Kreutzmannilu Melodi Grand Priximi finalimut ingerlaqqipput.
Taamaalillutillu "League of Light" erinarsoqqissavaat. Top 3-miipputtaaq Leonora, "Love is Forever" erinarsussallugu, aamma Sigmund, taassumalu "Say my Name" erinarsussavaa.
Juliep arnaa, Helene Berthelsen, panini Ninalu tapersersoriartorlugit Boxenimiippoq.
- Maani peqataasoq takullugu assut nuannerpoq. Unnuk manna tamatsinnut immikkuullarissuuvoq. Julie Ninalu ingerlalluaqquagut, kiisami erinarsuummik kalaallinut danskinullu tunngasumik peqataasoqassammat, Helene Berthelsen oqarpoq.