Erinarsortartoq Julie Berthelsen immiussaminik kuultinnassutigisaminik saqqummersitseqqammerpoq, taaguuteqarporlu ”Julie”.
Danmarkip Radioata nipilersukkanik aallakaatittagaani ”Café Hack”-imi Julie akissarsisinneqarpoq.
Immiussaq ”Julie” aqqaneq marlunnik erinarsuutitaqarpoq, nipilersoriaatsinik assigiinngisitaartunik erinalinnik, Juliallu erinageqaluni erinarsugaanik. Nipilersoriaatsinik assigiinngisitaartunik saqqummiussinera nuannarineqarsimavoq, maannamummi 20.000-it sinnerlugit pisiarineqareersimavoq.
Saqqummersitaa septembarip 27-iani tunisaalersoq ullut 13-it ingerlaneranni amerlassusaat naapertorlugu kuultinnassutigaa, Danmarkimilu tunisaanerpaat 20-t akornanni massakkut 11-tut inissisimavoq.