Julie Berthelsenip CD-liaa nuannarineqaqaaq

Nipilersukkanik erinarsukkanillu nalilersuillutik nalunaarutiginnittartut aamma pisisartut isumaat assigiinngittaqaat. Assersuutissaqqippoq Julie Berthelsenip saqqummersitaa kingulleq.

Radioavisimi sapaatip-akunnera kingulleq oqaluttuaraarput Julie Berthelsenip CD-liaa, Asasara, Danmarkimi nipilersukkanik erinarsukkanillu nalilersuisartunit assut isorineqartoq. Ilaatigut erinarsortoq naammaannarnerarpaat CD-lu saqqummersitsiniaannarluni saqqummersitaasimanerarlugu.

Taamaakkaluartoq Julie Berthelsenimik nuannarinnittut CD-mik pisiortuupput, allaat Danmarkimi saqqummersuni maannakkorpiaq nuannarineqarnerpaalluni. Julie Berthelsenip Hit-listen.nu-mi et-inngornermigut qaangerpai Thomas Helmig Kim Larsen-ilu.

CD ”Asasara” nunatsinni saqqummeramili KNR-ip aallakaatitaani ”Erinnat nuannarineqarineqarnerpaat”-ni normu 1-ioreerluni sapaatip-akunnerani matumani normu 2-juvoq. Taamaalilluni uppernarsineqarujoq nipilersukkanik naliliisartut pisisartullu isumaasa akerleriittarneri.