Julie Berthelsen Nuummut suli anngutinngilaq
Ullumi silarlunnera timmisartunut ilaasunut assut akornusersuivoq.
Siallernera anorlerneralu pissutigalugu ippassaq ullumilu angalanissat taamaatiinnarneqarput.
Angalasunut Nuuliartussanut ilaagaluarpoq Julie Berthelsen. Julie Berthelsen marlunnik CD-lioreerluni Danmarkimi nunatsinnilu tusarnaartitseqattaarpoq, maannalu Ilulissaneereerlunilu Sisimiuneereerpoq.
Nuummilu unnugu tusarnaartitsisussaagaluarpoq, Kangerlussuarmili unnueqqittussaanngorluni oqarfigineqarsimavoq, Julie Berthelsenilu akunneq ataaseq qaangiummat ima radioaviisimut oqarpoq.
- Ajuusaangaarama oqaasissakka nalulerpakka, Julie Berthelsen radioaviisimut oqarpoq. Julie Berthelsen queeqqaqisoq aamma oqarpoq sila ajuinnassappat Nuummi tusarnaartitsinissani taamaatinnartariaqassallugu, Danmarkimi piklersaarutaareersunik tusarnaartitsisaqattaassagamik. Julie Berthelsen kingusinnerusukkut Nuummi tusarnaartitsisariaqassalluni oqaatigaa. Julie nipilersoqatinilu aqagu Nuummut apuutissagunik meeqqanut unnukkullu inersimasunut tusarnaartitsiniarput.
