Julie Berthelsen nunatsinnukassaaq
Ukiut tallimat qaangiupput 23-inik ukiulik nakorsanngorniaq kalaalleq arnaq erinarsortartutut Danmarkimi tusaamasanngormat. Julie Berthelsen erinarsortartutut inuuniuteqartoq Cafe Sommersko - mi Københavnimiittumi naapikkatsinni ukiup sinnerani suliassani ima oqaatigai:
Taama oqarpoq 28-inik ukiulik Julie Berthelsen. Erinarsortartup nuuteeqqat CD-it saqqummersitai manna tikillugu tuluttuinnaq taallartaqartarput. Saqqummersitassap tulliuttup eqqarsaatersuutiginerani, taallat danskisoornissaat saqqummersitsivimmiit siunnersuutigineqarpoq.
Erinarsortartup danskisut taalliornissaq ajorinngilaa, isumaqarporli saqqummersitassami tullermi erinnat aamma kalaallisut taallartaqarluarsinnaasut.
Erinarsortartoq nutsinneersoq Julie Berthelsen nipilersortartuilu oktoberip aallartinnerani nunatsinni tusarnaartitseqattaassaaq. Kangerlussuarmi Ilulissani Nuummilu tusarnaartitsisoqassaaq.
Sisimiuni Kulturhusissap naammassinngitsoornera pissutaalluni Sisimiuni tusarnaartitsinissaagaluaq taamaatiinnarneqartoq Julie Berthelsenip tusarnaartitsinissanik aaqqissuisartuata Bo Andersenip nalunaarutigaa.
