Julie Berthelsen Disko Linep ilaasartaatitaavanik aatsiisoq
Disko Linep ilaasartaatitaava Maliina Ittummik Danmarkimi amutsiviit ilaanni Faaborg Værftimi ullumi tallimanngornermi atserneqarpoq.
Ilaasartaatitaap taassuma Kujataani pilersaarutit malillugit aasaq manna angallassissutaalertussaassaaq.
Maliina Ittuup sananerata naammassineqarnissaa sananeqarnerani suleqatit ilaanut ajornartorsiorfeqarnermik ilaasartaatitaallu taassuma amutsivimmi allami naammassineqartariaqarneranik pissuteqartumik ukiup ataatsip missaanik kinguaattoortoq, Disko Line KNR-imut ilisimatitsivoq.
Ilaasartaatitaaq Maliina Ittumik erinarsortartumit nunatsinneersumit Julie Berthelsenimit ullumi tallimanngornermi atserneqarpoq.
Julie Berthelsen Northern Decorationimik piginnittoqatinilu tassa Heida Zilmerilu tamatumunnga atatillugu ilaasartaatitaap aqqa oqaluttuatoqaatitta ilaannik aallaaveqartuusoq isumassarsiorfigalugu qalipagaqarput.
Ateq Maliina qatanngutigiit marluk, tassa Maliina seqininngortoq Aningaarlu qaammatinngortoq, pillugit oqaluttuatoqaatitsinneersuuvoq. Aterlu taanna ilaasartaatitaap taassuma atissaanik unammisitsinermi siunnersuutini ajugaasutut toqqagaavoq.
Maliina Ittuk sisamanik inuttaqartussaq 113-it tungaannut amerlatigisunik ilaasoqarsinnaavoq.
Maliina Ittuk nunatsinni ilaasartaatit innaallagiatortut ikummatissatortullu siullersaraat.
Danmarkimi amutsiviit ilaata Maliina Ittummik sanalluni aallartitsisuusup Assens Skibsværftip ilaasartaatiliaminik singinnera singitsigami ajutumeertoqvoq, a
Maliina Ittuup Assensimi siorna singinneqarnera ajutoortoqarnera pissutigalugu naammassiniarnissaa Assens Skibsværftimit Faaborg Værftimut nuullugu isumagisassanngortinneqartoq, Sermitsiaq siorna januaarimi allappoq.
