Julie Berthelsen Danmarkimi tusarnaartitseqattaalerpoq
Kalaallit tulluusimaarutigisinnaasaata, Julie-p Danmarkimi tusarnaartitseqattaarnini Esbjergimi unnugu aallartissavai.
Esbjergimiut siulliullutik erinnat taallallu nutaat cd-mit kuultinnassimasumit, ”Asasara”-meersut, Musikhuset-imi Esbjergimiittumi unnugu tusarnaarsinnaavaat.
- Nipilersortartukkalu ullut kingulliit 14-it sungiusarpugut, nipima timimalu tamanna malugaat, taamaammat qasuersaartarnissaq imermillu imerluartarnissaq pingaaruteqarpoq, Julie Berthelsen Radioaviisimut oqarpoq.
Julie nipilersortartuilu Esbjergimeereerunik Københavnimi eqqaanilu qaammatip naanerani, erseqqinnerusumik oqaatigalugu, marsip ulluisa 30-ani 31-anilu, nipilersussapput.
Juliep ilimagaa Nuuk Festivalimut ukiuaru anngunnissartik, tamannaligooq suli nalunarallarpoq
