Julie Allstars quianartunngorlugit
Ukiutoqqami unnukkut qummoroortartorneq siulleq naammassitsiaannartoq 2010 quianartunngorlugu kingumut qiviarneq "Ukioq naagujoq" KNR-TV-mi aallakaatinneqassaaq.
Aallakaatitsineq aallartissaaq nalunaaqutaq 20.15 ukiormannalu nuannarineqaqisumik katersortarfimmi kulturikkullu illorsuarmi Katuami quiasaarisut NAIP Ukioq naagujortitsissapput.
NAIP-imeersut nalunaarput ilaatigut qiviarniarlugit "Ukiup uuvarsua", Julie Allstars, Finn Karlsenip Atassummiit aninera aamma Kuupik Kleistip ukiortaamut oqalugiaatini naammassisimaneraa.
"Ukioq naagujoq" aallakaateqqinneqassaaq januarip aallaqqaataani ualikkut nalunaaqutaq 16.00.
Radio-mi tv-milu aallakaatitassat aamma takusinnaavatit KNRip nittartagaani "radio" imaluunniit "tv" toorlugit.