Juliane Hennningsen: danskit Irak-imi sorsunnerat misissorneqarli

Danmarkip Irakimi sorsunnermi peqataanera Kalaallit Nunaannnit Savalimmiuniillu tapersersorneqanngilaq.

Folketingimi illuatungiliuttut misissuisitsinissamut siunnersuuteqarnerannni Atlantikup avannaani suleqatigiit siunnersuuteqarnermi peqataapput. Misissuisitsinissamut siunnersuut ippassaq folketingimi siullermeerlugu oqaluuserineqarpoq.

Inuit Ataqatigiit sinnerlugit Folketingimi ilaasortaatitaat Juliane Henningsen misissuisitsinissaq pillugu oqaaseqarnermini oqarpoq, innuttaasut akornanni tatiginassuseq nassaarineqaqqinneqartariaqartoq minnerunngitsumik Savalimmiuni Kalaallit Nunaannilu.

Sorsunnermi peqataanissamut aalajangernermi taaseqataasut akornanni siunertat kusanartuusimanissaat naatsorsuutigaara. Aalajangernerli kukkuneruvoq, oqaluttuarisaanermi pingaaruteqartoq missisorneqartariaqartoq ilikkagaqarfigisariaqartorlu, Juliane Henningsen folketingip oqaluttarfiani ippassaq oqalugiarluni ilaatigut taamatut oqarpoq.