Juliane Henningsen: Lars-Emilip suleqataajunnaarnera ajuusaarnarpoq
Inuit Ataqatigiinneersoq Juliane Henningsen aamma Høgni Hoydal Tjodveldimeersoq, tassa Savalimmiuni Republikanerineersoq, suleqatigiinni sinneruttuupput. Suleqatigiinnerup ingerlaannarnissaa taakku marluk neriorsuutigaat.
- Namminersornerup eqqunneqarnera kiisalu inatsisartunut qinersinerup inernera politikkikkut Atlantikup Avannaani suleqatigiinnitsinnut tunngavigisatsinnut allannguinngilaq. Illuatungaani isumaqarpugut, suleqatigiinnerup sutigut tamatigut suli nukittorsarnissaa pisariaqartoq, Juliane Henningsen aamma Høgni Hoydal allapput.
Atlantikup Avannaani suleqatigiinnikkut anguniakkat soqutigisat ataatsimoorussat ersialaartinneqartuarnissaat aamma siunniuneqarpoq.
- Suleqatigiit maannamut suleqatigiissutigisatik ingerlatiinnassavaat, soorlu ilinniartunik isumasioqatigiissitsisarnerit. Atlantikup Avannaani suleqatigiit marluk nalunaarutigaat.
Folketingimut siunissami qinersinermi qinigaajumaartussat suleqatigilernissaannut Juliane Henningsen aamma Høgni Hoydal ammapput:
- Nutaanik suleqateqalernissatsinnut ammavugut piareersimallutalu, allapput.