Juliane Henningsen, IA Lars-Emil Johansenilu, Siumut folketingimut iserput

Juliane Henningsen IA folketingimut qinigaanermi kingorna nuannarutigivaa, kinguaariit nikinnerat takussutissaasoq, nukiillu nutaat tikilluaqquneqartut, tatigineqarnerlu annertooq tunniunneqartoq, inuusuttullu akisussaaffimmik tigusinissaat inuiaqatigiit kissaatigigaat.

Folketingimut qinersinermi kalaallit nunaani qinersisartunit qinerneqarnerpaasoq Juliane Henningsen Inuit Ataqatgiiit unnuaq qinigaanermi kingorna taamatut oqarpoq, qinersisartut 5.168-it Juliane Henningsen taaguussimavaat. Lars-Emil Johansen Siumut Folketingimi ilaasortaanini ingerlatiinnassavaa, qinersisartut 3.582it Lars-Emil Johansen qinersimassuk. Kalaallit nunaanni qinersisartut qinigaasullu akornanni kinguaariit nikinnerat nuannaarutigineqarpoq.

"Nuannaarutigivara inuusuttorpassuit qinersiartukaasimammata,

inuusutullu qinigassanngortittut taamak qinerneqarsimatigimmata, Doris Jakobsen Mininnguak Kleistilu qinigaarujussuarput, tassalu tullii piareerput, uagullu suliassarput naammassilerpoq" Lars-Emil Johansen oqarpoq.

Juliane Henningsenip IAmeersup qinigaanera takussutissaavoq, inuusuttut nuantsinni aqutsineq tigulermiassuk, Siumut sinnerlugu folketingimi ilaasortaq, ippassarlu folketingimut qinersinermi qinigaaqqittoq Lars-Emil Johansen oqarpoq.