Juliane eqqarsaqatigiittussanik ujartuivoq
- Nunani issittormiut siunissamut takorluugaat qanoq ataatsimoorussinnaanerlutigit eqqarsaqatigiittariaqarpugut, Juliane Henningsen oqarpoq. Taanna Issittuni Inatsisiliortut komiteanni ilaasortaavoq.
Komitep kingullermik Bruxelles-mi septembarimi ataatsimiinnerminni eqqartorpaat, Issittumi Siunnersuisoqatigiit kaammattorneqartariaqartut, ataatsimoorussamik siunissaq pillugu ataatsimiititaliortariaqartoq.
Siunnersuutaavoq ataatsimiititaliap ilaasortarissagai ilisimatuut, politikerit, inuussutissarsiutinik suliaqartut aamma sumiiffinni innuttaasut aalartitaat.
- Issittumi Siunnersuisoqatigiinnit isumassarsiaq taanna qaqinneqassasoq siunnersuutigaara - aammalu maajimi Nunat Issittut ministeriisa ataatsimiinnerisa nalaani isumassarsiap taassuma qaqinneqarnissaa piumasarisinnaallugu, ullaatungaa oqalugiarnermini Juliane Henningsen taama oqarpoq.
Nunani Issittuni ministerit maajimi ataatsimeeqatigiinnissaat ulloq manna tikillugu pingaarnerpaatut isigineqarpoq, tassami ataatsimeeqatigiinenrmi nunanut allanut ministerit tamakkerlutik peqataasussaammata.
Taakku ataatsimiinneranni aalajangersarneqassaaq Issittumi Siunnersuisooqatigiit tassaassasoq, nunat issittormiut naapeqatigiittarfiat pingaaruteqartoq, Juliane Henningsen naqissusiivoq.
