Juaaka Sisimiuni Kulturikkut Illorsuassami pisortanngussaaq
Kulturikkut Nuummi ukiut arfineq-pingasut pisortaasimasoq, Juaaka Lyberth, Kulturikkut Sisimiuni illorsuassami aggustip ulluisa 15-ianniit pisortanngussaaq.
Kommunip aningaasaqarnermut ataatsimiititaliaata ullumi aalajangerpaa, Juaaka Lyberth qinnuteqartorpaaluit akornanni qinerneqartoq.
Sisimiuni borgmesteri, Hermann Berthelsen, oqarpoq, Kulturikkut Sisimiuni illorsuassami nutaami Juaaka Lyberthip atorfinitsinneqarnerata pitsaaqutigigaa pitsaasumik ilisimasaqartumillu pisortaqarnissaq anguneqassammat.
- Inunnut anngussinissaq kulturimullu tunngasutigut oqitsuinnaanngitsumik isumaqatigiinniarnerit Juaaka Lyberthip pikkoriffigilluinnartuuai, inuillu kikkuugaluilluunniit oqaloqatigisinnaallugit, tamannalu Sisimiuni innuttaasut iluaqutigilissavaat, Hermann Berthelsen oqarpoq.
Kulturikkut Sisimiuni illorsuassap pisortassaa 55-inik ukioqarpoq, eskimologitut ilinniagaqartuulluni, inuiaqatigiinnilu kalaallini sullissinissani soqutigisarilluinnartuuvaa.
