José Manuel Barroso: Inuup ataatsip tapersersuilluarnissaa pisariaqarpoq
Nukinimi tamaasa USA-mut USA-llu præsidentitaavanut, Barack Obamamut, taassuma piffissami aggersumi atorniarpai, silap pissusaata allanngoriartornera pillugu ataatsimeersuartoqarnissaata tungaanut nunarsuaq tamakkerlugu isumaqatigiissusiortoqarnissaa anguniarlugu.
Silap pissusaata allanngoriartornera pillugu isumaqatigiissusiornissami makku pisariaqarput, tassa Barrosop oqarnera naapertorlugu:
- Uagut maannamut iliuuserisimasatta assinganik iliornissamut nunat allat piareersimanersut.
Silap pissusaata allanngoriartorneranut unitsitsissutaasinnaasunik EU-p suliniutai, nunat 27-t decembarimi isumaqatigiissutigisaat, Barrosop tassani innersuussutigai. Gassit silaannarmik kissakkiartortitsisartut annikillisarneqarnissaat ilaatigut pineqarput.
EU-Kommissionip siulittaasuata oqarnera naapertorlugu, silap pissusaata allanngoriartornerata akiorniarneqarneranut USA-p suleqataanngippallaarnera nunarsuarmioqatigiit manna tikillugu isiginngitsuusaarpallaarsimavaat:
- Eqqortumik oqassagaanni: Nuna nunarsuaq tamakkerlugu mingutsitsinerpaasoq nunanit allanit manna tikillugu iliuuseqarfigineqanngippat, taava sooq uagut iliuuseqassaagut? Barroso nassuiaavoq.
- USA CO2-mik 5,8 milliardi tonsimik ukiut tamaasa aniatitsisarpoq, taamaalilluni nunarsuarmi mingutsitsinerpaalluni, Kina 5,1 milliardi tonsimik aniatitsisartoq. Nunat 27-t EU-mut ilaasortaasut katillutik CO2-mik 4 milliardi tonsimik ukiumut aniatitsisarput.