Josef Therkildsen Saammaateqatigiinnissamut Isumalioqatigiissitami siulittaasunngortinneqarpoq
Ilaasortat nutaat tassaapput Josef Therkildsen Nuummeersoq siornatigut SIK-mi Siulittaasumut tulliusimasoq, Dorthe Katrine Olsen Sisimiuni KTI-mi ilinniartitsisutut atorfilik aammalu Anna Heilmann Maniitsumi Qeqqata Kommuniani ilinniartitaanermut pisortaq.
Josef Therkildsen Naalakkersuisuninngaanniit Saammaateqatigiinnissamut Isumalioqatigiissitami siulitaasussatut toqqarneqarpoq.
- Nuannaarutigaarput Saammaateqatigiinnissamut Isumalioqatigiissitami ilaasortat nutaat tikilluaqqussallugit. Josef Therkildsen, Dorthe Katrine Olsen Anna Heimannilu inuttut immikkoorutitik assigiissuteqarfigaat, tassaasoq kalaallini inuiaqatigiinni pisunut paasisimasaqarnerat, Isumalioqatigiissitaq sinnerlugu, Jens Heinrich taama oqarpoq.
AAMMA ATUARUK Saammaateqatigiinnissamut isumalioqatigiissitami ilaasortat ilaat tunuartoq
- Ilisimasaat inuiaqatigiinnut tunngassuteqartut aammalu misilittakkaminnut tunngavigisaat pinngitsooratik isumalioqatigiissitami sulinermi iluaqutaasussaapput, aammalu qularnanngilaq pingaartitanik tapersiiumaartut isumalioqatigiissitamut suli annertunerusumik nukittorsaataasussanik. Siulittaasumik toqqaasoqarnera aamma nuannaarutigaarput.
- Tulliuttoq tassaassaaq, uagut isumalioqatigiissitami nammineq siulittaasup tullissaanik toqqaanissarput. Isumalioqatigiissitami sulinermi suleqatigiinnissarput ineriartortitseqqinnissarpullu qilanaaraarput. “Isumalioqatigiissitaq sinnerlugu, Jens Heinrich taama oqarpoq.
AAMMA ATUARUK Saammaateqatigiinnissamut isumalioqatigiissitamit nalunaarusiaq siulleq saqqummiunneqarpoq
Isumalioqatigiissitaq nalinginnaasumik tulliani ataatsimiissaaq ulluni 24-25. November 2015 Nuummi, Katersortarfimmi sisamanngornermi 26. November 2015 innuttaasunik ataatsimiisitsinissartik aamma pilersaarutigaat.
Kommune Kujalleq Qeqqatalu Kommuniani innuttaasunik ataatsimiisitsinissaq pilersaarutigineqartoq Namminersorlutik oqartussaniit tusagassiuutinut nalunaatigineqarpoq.
