Josef Motzfeldt: Siumut suleqatiginianngilarput
Inuit Ataqatigiit siulittaasuat, Josef Motzfeldt, inatsisartunut qinersinermi ajorsarnerpaasoq, pakatsisimarpasikkaluaqaluni Siumumik suleqateqarusunnginnini aalajangiusimavaa.
- Equngasoqaleraangat partiit akornatsinni uparuaassalluta pisussaavugut. Partiit kikkuunerat massakkorpiaq pingaarnerunngilaq.
Inuiaqatigiittut ingerlaqqittariqarnerminnut nikeriarfissat, kommuninik allanngortiterinerit, Namminersorneq pillugu Isumalioqatigiissitat, aningaasarsiornikkut sukaterisariaqarnerit ulluni tulliuttuni oqaloqatigiittarnissaminni qitiusussaasut Josef Motzfeldt oqarpoq.
Oqaloqatigiinnerit Josef Motzfeldtip tassaasarnerarpai isummiussat qulaajaaviginissaat misissoqqissaarnissaallu – marluugunik pingasuugunilluunniit – isumaqatigiissutigisinnaanerat tikillugu ingerlattariaqakkat. – Akisussaassuseqartumik naalakkersuinissaq taamaappoq, Josef Motzfeldt naggasiivoq.
