Josef Motzfeldt: KNR pituussaarli

Tusagassaqartitsivik KNR Namminersornerullutik Oqartussanit pituussaarluni imminut pigisutut ingerlalernissaannik siunnersuut, Josef Motzfeldt oqallissaarummini allappoq, nangillunilu, uppernarsarsinnaanngikkaluarlugu ilimagisinnaavara, tusagassiorfinni aaqqissuisoqarfinni allani atugassarititaasut ajunnginnerummata sulisut nikerarnerujussuannut tamanna pissutaasinnaasut ilagisinnaagaat, Josef Motzfeldt oqallissaarumini allappoq.

Tusagassaqartitsivik KNR-itut ittoq Kalaallit Nunaanni tusagassiortutut suliffigissallugu tamanit kajuminnarnerpaasinnaavoq naalaarutikkut isiginnaarutikkullu ullut tamaasa nuna tamakkerlugu saqqummertartutuaagami, Josef Motzfeldt Inuit Ataqatigiit sinnerlugit inatsisartuni ilaasortaq, oqallissaarutitut siunnersuuteqarnermini allappoq. Oqallissaarutitut siunnersuut ullumi inatsisartut ataatsimiineranni oqallisigineqassaaq.