Josef Motzfeldt-ip Barroso ataatsimeeqatigaa
Nunanut allanut naalakkersuisup Josef Motzfeldtip EU-kommissionip siulittaasua Jóse Barroso Bruxelles-imi ullumi ataatsimeeqatigissavaa.
Josef Motzfeldtip aamma Barrosop aalisarnermik isumaqatigiissummut atatillugu suleqatigiinnissamik isumaqatigiissutissaq oqaluuserissavaat.
- Soqutigaarput isumaqatigiinniarnerit ingerlanneqarnissaanni tunngavissap inissinnissaa, Josef Motzfeldt Sermitsiamut ilaatigut taama oqarpoq.
Kalaallit Nunaat aamma EU nutaamik isumaqatigiissusiorniarlutik isumaqatigiinniarput, tassuuna aalisarnermut isumaqatigiissut annertusiniarneqarluni.
- Aalisarneq pillugu isumaqatigiissutissami biologit nunatsinneersut EU-meersullu ilisimasaat tunngavigalugit inissinneqassaaq, Josef Motzfeldt nassuiaavoq.
Barroso nunatsinnut tikeraarniarluni oqareersimammat tikeraarnissaanut piareersimasoqartoq, Josef Motzfeldtip aamma oqarfigissamaarpaa.
