Josef Motzfeldt: Inatsimmik tigusisuulluni killitsisimanarlunilu tussunngunarpoq
- Inatsimmik tigusisuulluni misigisaavoq annertooq aamma tussunngunartoq killitsisimanartorlu, Josef Motzfeldt oqarpoq, Namminersornerullu atuutilersinneqarnera inuiaqatigiit kalaallit ajugaanerattut aamma isigalugu:
- Anguniakkat ilaat anguarput. Partiit ataasiakkaat pinnagit inuiaqatigiit kalaallit anguniakkamisut novembarimi taasinikkut akuerisaat piviusunngortinneqarpoq. Inuiaqatigiit kalaallit ajugaanerattut tulluusimarutissaattullu isigineqartariaqartoq nalilerpara, Josef Motzfeldt oqarpoq.
Aatsitassat assigisaallu akisussaaffigilerpagut, tamanna qanoq isigaajuk?
- Tamanna immikkut nuannaarutissaavoq. Inatsisiliorsinnaanermi nammineerluta akisussaaffeqalernerput annertuujuvoq, kisianni piumasaqaateqarpoq. Isumaqartoqassanngilaq massakkut aningaasannanniapallattut akuersaarlugit Nunarput tamanut akuersaartumik tuninialissagipput. Akisussaaffik inuiaqatigiit paaseqatigalugit ingerlanneqaqqittussatut isigaara, Josef Motzfeldt oqarpoq.
