Josef Motzfeldt IA-mi siulittaasunngoqqippoq

Inuit ataqatigiit ataatsimeersuarnerat ippassaanili ingerlanneqartoq naggaserlugu ullumi IAp siulersuisussaannut qinersisoqarmat partiip 1994-mili siulittaasoriligaa Josef Motzfeldt, Tuusi siulittaasutut ingerlaqqissasoq ataatsimeersuaqataasut amerlanerussuteqarluartut aaliangerput.

Joserf Motzfeldt, taavalu Akunnaami nunaqarfiup aqutsiuini siulittasoq, Aasiaat kommunalbestyrelsiani ilaasortaq Enok Sandgreen IA-mi siulittaasunngorniupput.

Josef Motzfeldt ataatsimeersuarnermi taasisinnaasunit 48-uusunit 38-nik taaneqarluni siulittaasunngorpoq, Enok Sandgreen-imik taasisut arfineq pingasuullutik. Siulittaasussarsiornermilu marluk taaseqataasimanngillat.

Enok Sandgreen nunaqarfiit nappaqqinneqarnissaanik oqariartuuteqarluni IA-mi siulittaasumut qineqqusaarpoq, isumaqarami akit assigiikunnaarnerisa kingunerisaanik nunaqarfiit inuerukkiartulissasut. Namminersulerniarnermilu nunaqarfiit pilliutigineqartut Enok Sandgreen isumaqarpoq. Josef Motzfeldt-ip massakkut IA-p naalakkersuinikkut inissisimalluarneranik qineqqusaaruteqarpoq, aammalu oqarpoq IA-mi siulittaasunngortussaq Naalakkersuisunut siulittaasunngornissamut piareersimasariaqartoq. Nunatta namminersulernissaa pillugu suliniarneq eqqarsaatigalugu, maannamut Namminersorneq pillugu ataatsimiitsitaliarsuup sulinera tamakkiisumik IA-miit tapersersorneqarpoq. Aamma nunatsinni kommuneqarfiit kattussuunissaannut ilusissat 2009-mi piareersimariisasut IA-mi ataatsimeersuartut siunniussaqarput. IA-mi siulittaasup tulliatut politikkikkut suliaqartussatut Kuupik Kleist unammillerteqarani ingerlaqqippoq. Aaqqissuusaanermullu siulittaasup tullinngorniuttut pingasuuput. Tassaallutik Inatsisartuni Sisimiut kommunalbestyrelsianilu ilaasortaq Agathe Fontain, Nuummi inuusuttut ataqatigiinneersoq Edwardt Mørch, Nuummilu Inuit ataqatigiit siulittaasuat Elisabeth Ravn Johansen. Taakkunanngalu Agathe Fontain amerlanerussuteqarluartunit qinigaavoq. Kattuffiup aaqqissuusaaneranut maannamut siulittaasumut tulliugaluarpoq Paamiut kommuniani borgmester Lars Sørensen, taannalu suliassaqarpallaarnini pissutiginerarlugu sassaqqinngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat