Josef Motzfeldt Holland-ip nunanut allanut ministereqarfiani

Allattoq Jaaku Lyberth
marsip 08-at 2007 14:13

Aningaasaqarnermut nunanullu allanut naalakkersuisoq Josef Motzfeldt ulluni makkunani Holland-imiippoq ilaatigut issittuni ukioritinneqartup Holland-imi ammarneqarneranut peqataajartorluni. Holland-imiinnermini Holland-ip nunanut allanut ministerearfiani ataatsimeeqateqassaaq, Holland-imiut puisit amiinik eqqusseqqusiunnaarnissamik siunnersuutaat pillugu. Josef Motzfeldt nassuiaateqassaaq, kalaallit nunaanni piniarnermik inuussutissarsiutillit inatsisinik Holland-imiut siunnersuutigisaattut ittumik, ajoqusiisinnaanerat pillugu. Holland-imiut puisit amiisa inerteqqutigineqalernissaannik siunnersuuteqarnikuupput, tamannalu EU-p WTO-llu inatsisiliaannut akerliupput.