Josef Motzfeldt Finn Karlsen-ilu akerleriipput

Nunatta Canadami puisit amiinik pisissaarneranut tunngasunik oqillinneq suli ingerlavoq. Aningaasanut Nunanullu Allanut Naalakkersuisoq Josef Motzfeldt nunatta puisit amiinik Canadameersunik pisissaarneranut akerliuvoq.

Aningaasanut Naalakkersuisoq ippassaq unnukkut Qanoruumi tikkuaavoq, nunarput puisit amiinik akilernermit pisissaarmat tamanna Nunavumi piniartunut annertuumik kinguneqartussanngortoq.

Piniarnermut Aalisarnermullu Naalakkersuisoq Finn Karlsen sapaatip akunnerani kingullermi Radioaviisimut erseqqissaavoq nunatta puisit amiinik Canadameersunik pisisarunnaarnera allanngortinneqarnavianngitsoq.

Nunatta puisit amiinik Canadameersunik pisissaarnera pillugu Inatsisartut Aningaasaqarnermut ataatsimiititaliaa nassuiaateqaqqusivoq, Inuillu Issis

ttormiut Kattuffianit ICC-mit Nunavumilu Inatsisartunit pisisarnermik unitsitsineq taamateqquneqarpoq, tamannalu pillugu Nunavut naalakkersuisuni siulittaasoq avatangiisinullu ministeri nunatsinnukarput, taakkulu naalakkersuisunit ullumi ataatsimeeqatigineqassapput.