Josef Motzfeldt Canadami
Aningaasaqarnermut nunanullu allanut naalakkersuisoq Josef Motzfeldt pisortatigoortumik ulluni makkunani Canadamut tikeraarpoq.
Aningaasaqarnermut nunanullu allanut naalakkersuisup Josef Motzfeldtip Canadami oqaloqatigeqqaarpaa danskit Canadami aallartitaat Poul-Erik Dam Christensen.
Josef Motzfeldtip Canadap nunanut allanut qullersaqarfiani atorfillit ulluni tulliuttuni oqaloqatigisassavai.
Pingaarnertut Tartupaluk oqaloqatigiissutigineqassaaq.
Tartupaluup eqqaagut umiarsuit angalasalernissat, uuliaqarsinnaaneralu Canadap Danmarkillu naalagaaffiisa oqartussaaffigilerusulluinnagaat isumaqatigiinniassutigisassat ilagaat.
Canadami nunanut allanut qullersaqarfimmi atorfilinnik oqaloqateqarnermissaaq puisit amiisa nioqqutaanerat kalluarneqanngitsoornavianngilaq.
Josef Motzfeldtittaaq tasamaniinnermini nunatta Danmarkillu akornini naalakkersuinikkut pissutsit nassuiaateqarfigisussaavai; tasamanimi naalakkersuisut Danmarkimut atassuteqarnitta aaqqissuussaanera paasiuminaatsinneqartarmat. Canadamimi nunat immikkoortuisa ingerlanneqarneri uagut ingerlatseriaasitsinnit allaanerulluinnarmata.
Canadami danskit attavigisartagaasa Ken Harperip kissaatigalugulu neriuutigaa nunatta Canadallu timmisartukkut attaveqaleqqinnissaa; niuernerinnaangitsukkummi, takornariaqarnikkuttaaq iluaqutaassammat.
