Josef Motzfeldt ataatsimeeqataasanngikkallassaaq
Ataatsimiititaliat tamanna pillugu aalajangiipput, inatsisartullu suleriaasiat pillugu ataatsimiititaliaata siulittaasuaata tullia Olga P. Berthelsen, Inuit Ataqatigiinneersoq tamanna pillugu ima oqarpoq:
- Josef Motzfeldtip suliap uuma politimesterimit aalajangiiffigineqarnissaata tungaanut ataatsimeeqataasanngikkallassalluni aalajangerpaa. Tassa siulittaasoqarfimmi inatsisartunilu suleriaaseq pillugu ataatsimiititaliami ataatsimiinnerni ataatsimeeqataasanngikkallassaaq, Olga P. Berthelsen oqarpoq.
Josef Motzfeldtip ataatsimeeqataasannginnissaa pissutaalluni, Inuit Ataqatigiit sinnerlugit inatsisartunut ilaasortaq Akitsinnguaq Olsen sinniisutut aggersarneqartassaaq.
- Politimesterip aalajangiinissaa utaqqivarput, aalajangiinerlu taanna qanoq ingerlariaqqinnissamut tunngaviussaaq, Olga P. Berthelsen oqarpoq.